ఈ సీజన్ తొలి టైటిల్ గెలిచినా, నంబర్ వన్ ర్యాంకు కోల్పోయిన సానియా మీర్జా

భారత టెన్నిస్ స్టార్ సానియా మీర్జా, ఈ సీజన్ లో తొలి టైటిల్ నెగ్గినప్పటికీ, వరల్డ్ నంబర్ వన్ ర్యాంకును కోల్పోయింది. బ్రిస్బేన్ ఇంటర్నేషనల్ టోర్నమెంటులో వరల్డ్ నంబర్ 2 జోడీ ఎకతిరినా మకరోవా, ఎలీనా వెస్నినా జోడీతో తలపడ్డ సానియా, బెతానీ మటేక్ జోడీ, 6-2, 6-3 తేడాతో గంటా 16 నిమిషాల పాటు సాగిన మ్యాచ్ లో విజయం సాధించింది. అయినప్పటికీ, వరల్డ్ నంబర్ వన్ డబుల్స్ ప్లేయర్ గా సానియాకు ఉన్న ర్యాంకు ఈ మ్యాచ్ తరువాత బెతానీ వశమైంది. ఇటీవలి కాలంలో బెతానీ మెరుగైన ప్రదర్శన కనబరచడమే ఇందుకు కారణం. కాగా, గత సంవత్సరం మార్టినా హింగిస్ తో కలసి ఇదే బ్రిస్బేన్ ఇంటర్నేషనల్ టోర్నీలో సానియా విజయం సాధించిన సంగతి తెలిసిందే.