దివ్యాంగుల కోసం మూడు వేల ప్రత్యేక బోగీలను తయారు చేయనున్న రైల్వేశాఖ

దివ్యాంగుల ప్రయాణ సౌకర్యార్థం మూడు వేల ప్రత్యేక బోగీలను రైల్వే శాఖ తయారు చేయనుంది. ఈ బోగీలలో దివ్యాంగులకు పలు వసతులు కల్పించనున్నట్లు దివ్యాంగుల విభాగం ముఖ్య కమిషనర్ కమలేశ్ పాండే చెప్పారు. 2018 నాటికి ఈ ప్రత్యేక బోగీలను రైల్వేశాఖ తయారు చేయనుందని, ఈ బోగీలను ఒకదానితో ఒకటి అనుసంధానిస్తారని తెలిపారు. కాగా, ముంబై, నాసిక్, నాగ్ పూర్ లోని సుమారు 180 ప్రభుత్వ భవనాలను దివ్యాంగులకు అనుకూలంగా మార్చేందుకు ఆయా భవనాల్లో ర్యాంపులు, లిఫ్టుల వంటి సౌకర్యాలు కల్పించనున్నట్లు కమలేశ్ పాండే చెప్పారు.