ఖమ్మం జిల్లాలో రోడ్డు ప్రమాదం.. ఆగి ఉన్న లారీని ఢీకొట్టిన ఆర్టీసీ బస్సు
ఖమ్మం జిల్లా వైరాలో జరిగిన రోడ్డు ప్రమాదంలో నలుగురు ప్రయాణికులు తీవ్రంగా గాయపడ్డారు. ఆగి ఉన్న లారీని వేగంగా వెళ్తున్న ఆర్టీసీ బస్సు ఢీకొట్టడంతో ఈ ప్రమాదం చోటుచేసుకుంది. ప్రమాదంలో మరో 8 మంది స్వల్పంగా గాయపడ్డారు. మరో ముగ్గురు ప్రయాణికులు, కండక్టరు బస్సులోనే ఇరుక్కుపోయారు. దీనిని గమనించిన స్థానికులు వెంటనే అక్కడికి చేరుకుని ప్రయాణికులను రక్షించారు. సమాచారం అందుకున్న పోలీసులు ఘటనా స్థలానికి చేరుకుని బస్సులో ఇరుక్కుపోయిన ప్రయాణికులు, కండక్టర్‌ను రక్షించేందుకు ప్రయత్నాలు ప్రారంభించారు.
