ఐపీఎల్ లో ఆడాలని ఉంది...అనుమతి రాలేదు: మిచెల్ స్టార్క్
ఐపీఎల్ సీజన్ 9లో ఆడాలని ఉందని ప్రముఖ ఆస్ట్రేలియా క్రికెటర్ మిచెల్ స్టార్క్ ఆకాంక్ష వ్యక్తం చేశాడు. గత నవంబర్ లో న్యూజిలాండ్ తో ఆడిన సందర్భంగా స్టార్క్ గాయపడ్డాడు. ఈ మ్యాచ్ ముగిసిన అనంతరం స్టిక్స్ సాయంతో మైదానంలోకి అడుగిడిన స్టార్క్ ను చూసి అభిమానులు క్షోభపడ్డారు. మోకాలి గాయంతో తాజాగా భారత్ తో జరగనున్న సిరీస్ కు దూరమైన స్టార్క్ ఏప్రిల్ లో జరగనున్న ఐపీఎల్ 9 సీజన్ కల్లా కోలుకుంటానని క్రికెట్ ఆస్ట్రేలియాకు తెలిపాడు. అయితే స్టార్క్ ఆడేందుకు ఆసీసీ బోర్డు ఎలాంటి అనుమతి మంజూరు చేయలేదని వాపోయాడు. కాగా, ఐపీఎల్ లో బెంగళూరు రాయల్ ఛాలెంజర్స్ తరపున మిచెల్ స్టార్క్ ఆడుతున్న సంగతి తెలిసిందే.
