శంషాబాదులో టీఆర్ఎస్ కు షాక్... ఎంపీటీసీగా కాంగ్రెస్ అభ్యర్థి గెలుపు
రంగారెడ్డి జిల్లా స్థానిక సంస్థల ఉప ఎన్నికల్లో అధికార టీఆర్ఎస్ పార్టీకి గట్టి ఎదురుదెబ్బ తగిలింది. శంషాబాదు ఎంపీటీసీ స్థానానికి జరిగిన ఉప ఎన్నికలో ఆ పార్టీ అభ్యర్థి నాలుగో స్థానంతో సరిపెట్టుకోవాల్సి వచ్చింది. మరోవైపు అధికార పార్టీకి సవాల్ విసిరిన ప్రధాన ప్రతిపక్షం కాంగ్రెస్ అక్కడ జయకేతనం ఎగురవేసింది. ఆ పార్టీ అభ్యర్థిగా బరిలోకి దిగిన రేష్మా ఇండిపెండెంట్ అభ్యర్థిపై 17 ఓట్ల మెజారిటీతో విజయం సాధించారు. టీఆర్ఎస్ అభ్యర్థి ఇండిపెండెంట్ అభ్యర్థి స్థాయిలో కూడా పోటీ ఇవ్వలేకపోయారు. ఊహించని ఈ ఫలితంలో టీఆర్ఎస్ నేతలు షాక్ కు గురయ్యారు.
