భద్రాచలంలో మంత్రి జగదీశ్ రెడ్డిని అడ్డుకున్న భక్తులు
తెలంగాణ మంత్రి జగదీశ్ రెడ్డిని భద్రాచలంలో భక్తులు అడ్డుకున్నారు. ప్రొటోకాల్ పేరుతో తమను ఇబ్బందులకు గురి చేస్తున్నారంటూ భద్రాచలం ఆలయం వద్ద భక్తులు ఆందోళనకు దిగారు. సర్ది చెప్పేందుకు ఆ సమయంలో అక్కడకు వచ్చిన మంత్రిని, ఆలయ సిబ్బందిని భక్తులు అడ్డుకున్నారు. దర్శనం చేసుకోనివ్వకుండా తమను ప్రొటోకాల్ పేరుతో ఆపడం తగదని నిలదీశారు. దాంతో మంత్రి అసహనం వ్యక్తం చేశారు. అధికారులపై మండిపడుతూ అక్కడి నుంచి వెళ్లిపోయారు.
