రాజమండ్రి ఘటన నేపథ్యంలో అప్రమత్తమైన తెలంగాణ
పుష్కరాల నేపథ్యంలో రాజమండ్రిలో జరిగిన తొక్కిసలాటలో 27 మంది మరణించడంతో, తెలంగాణ ప్రభుత్వం అప్రమత్తమైంది. దీంతో, తెలంగాణలో ఇలాంటి ఘటనలు జరగకుండా చూసేందుకు అవసరమైన అన్ని చర్యలను తీసుకునే పనిలో పడింది. ఈ క్రమంలో, కరీంనగర్ జిల్లా కాళేశ్వరంలో టీఎస్ హోంమంత్రి నాయిని నర్సింహారెడ్డి తనిఖీలు నిర్వహించారు. అధికారులతో సమీక్ష నిర్వహించారు. భక్తులకు ఎలాంటి ఇబ్బంది తలెత్తకుండా చూడాలని ఆదేశించారు. అలాగే, మంథనిలో ఆర్థిక మంత్రి ఈటెల రాజేందర్ పుష్కర ఏర్పాట్లను పరిశీలించారు.
