కోరమాండల్ ఎక్స్ ప్రెస్ లో చెలరేగిన మంటలు

చెన్నై నుంచి హౌరా వెళుతున్న కోరమాండల్ ఎక్స్‌ ప్రెస్‌ (12842)లో మంటలు చెలరేగాయి. పశ్చిమ గోదావరి జిల్లా నిడదవోలులో రైలు క్రాసింగ్ నిమిత్తం ఆగివున్న కోరమాండల్ ఎక్స్‌ప్రెస్ లో మంటలు చెలరేగాయి. ఈ ఘటనకు విద్యుదాఘాతం కారణమని ప్రాథమిక అంచనా. విద్యుత్ వైర్లు షార్ట్ కావడంతో ఒక బోగీలో మంటలు చెలరేగాయి. సంఘటనా స్థలానికి చేరుకున్న ఫైర్ స్టేషన్ సిబ్బంది మంటలను ఆపివేశారు. సంఘటనలో ఎవరూ గాయపడినట్టు సమాచారం లేదు. మరిన్ని వివరాలు తెలియాల్సి ఉంది.