'మహా' మంత్రులకిక పోలీసులు సెల్యూట్ కొట్టరు!
మహారాష్ట్రలో మంత్రులకు పోలీసులు ఇక సెల్యూట్ కొట్టరు. జిల్లా స్థాయి పర్యటనలలో భాగంగా మంత్రులు వెళ్లినప్పుడు పోలీసులు గౌరవ వందనం సమర్పించి వారికి స్వాగతం పలుకుతారని తెలిసిన సంగతి తెలిసిందే. బ్రిటిష్ కాలంనాటి ఈ సంప్రదాయాన్ని ఇకపై పాటించరాదని మహారాష్ట్ర ప్రభుత్వం నిర్ణయం తీసుకుంది. మంత్రులతోపాటు రాష్ట్ర స్థాయి అధికారులకు సైతం ఇదే నియమం వర్తిస్తుందని ప్రభుత్వ అధికారి ఒకరు తెలిపారు. ఈ మేరకు పాత సంప్రదాయాన్ని వదిలివేయాలని సీఎం దేవేంద్ర ఫడ్నవీస్ పోలీసులకు ఆదేశాలు జారీ చేశారు. దీంతోపాటు వీవీఐపీలకు కల్పిస్తున్న భద్రతను కూడా తగ్గించాలని ఆయన సూచించినట్టు సమాచారం.
