బెజవాడలో నార్లవారి విగ్రహావిష్కరణ
'పత్రికొక్కటున్న పదివేల సైన్యమ్ము...' అంటూ వార్తాపత్రికల విశిష్టతను నొక్కి చెప్పి, తెలుగు జర్నలిజాన్ని కొత్త పుంతలు తొక్కించిన పాత్రికేయ దిగ్గజం నార్ల వెంకటేశ్వరరావు విగ్రహావిష్కరణ నేడు విజయవాడలో జరిగింది. ఇక్కడి తుమ్మలపల్లి కళాక్షేత్రంలో నార్ల విగ్రహాన్ని ఏబీఎన్-ఆంధ్రజ్యోతి ఎండీ వేమూరి రాధాకృష్ణ ఆవిష్కరించారు. ఈ సందర్భంగా ఆయన మాట్లాడుతూ, పత్రికారంగంలో అక్షర యోధుడిగా పేరుగాంచిన నార్ల వెంకటేశ్వరరావు విగ్రహాన్ని ఆవిష్కరించే అవకాశం దక్కడం అదృష్టంగా భావిస్తున్నానని పేర్కొన్నారు. ఈ కార్యక్రమంలో ఎంపీ లగడపాటి రాజగోపాల్, స్థానిక శాసన సభ్యులు, మాజీ ఎంపీ యార్లగడ్డ లక్ష్మీప్రసాద్, నార్ల కుటుంబ సభ్యులు పాల్గొన్నారు.
