టెన్నిస్ అభిమానులకు వీనస్ విలియమ్స్ అనేక గ్రాండ్ స్లామ్ లు గెలిచిన స్టార్ క్రీడాకారిణిగానే తెలుసు. కానీ, ఆమె భారతీయ వంటకాలంటే పడిచస్తుందన్న విషయం మాత్రం ఎక్కువమందికి తెలిసుండకపోవచ్చు. ప్రస్తుతం చాంపియన్స్ టెన్నిస్ లీగ్ (సీటీఎల్) లో ఆడుతున్న ఈ నల్ల కలువ, బెంగళూరులో 94.3 ఎఫ్ఎం రేడియో స్టేషన్ తో ముచ్చటించింది. ఈ సందర్భంగా ఇండియన్ ఫుడ్ పై తన మక్కువను చాటుకుంది. అన్ని వంటకాల్లోకెల్లా 'భీండీ మసాలా' అంటే ఎంతో ఇష్టమని లొట్టలేసింది. "ఎన్నో రకాల భారతీయ వంటకాలు లాగించాను. నా ఫేవరెట్ మాత్రం భీండీ మసాలానే" అని పేర్కొంది.