వైసీపీలో నేను కొనసాగలేను: ఎంపీ కొత్తపల్లి గీత
వైఎస్ఆర్ కాంగ్రెస్ పార్టీలో తాను కొనసాగలేనని అరకు ఎంపీ కొత్తపల్లి గీత స్పష్టం చేశారు. తన నియోజకవర్గ అభివృద్ధికి వైసీపీ సహకరించడం లేదని ఆమె తెలిపారు. ఈ క్రమంలో, భవిష్యత్తులోనూ బీజేపీ, టీడీపీలతో కలిసి పనిచేస్తానని ఆమె వెల్లడించారు. ముఖ్యమంత్రి చంద్రబాబుతో ఎంపీల భేటీ అనంతరం మీడియాతో మాట్లాడిన గీత పైవిధంగా తెలిపారు. టీడీపీ సమావేశాలకు ఇకపైనా హాజరవుతానని అన్నారు. ఎంపీ పదవికి మాత్రం రాజీనామా చేయబోనని స్పష్టం చేశారు.
