ఈ-పుస్తకాలు.. యమపాశాలట..!
నూతన సాంకేతిక పరిజ్ఞానం కొత్త పుంతలు తొక్కుతున్న నేటి యుగంలో 'ఈ-బుక్స్' ఓ సరికొత్త ఆవిష్కరణ. డెస్క్ పై పీసీనో.. చేతిలో స్మార్ట్ ఫోనో, ట్యాబ్లెట్టో, ఫ్యాబ్లెట్టో ఉంటే చాలు. పుస్తకాలు మన అరచేతిలో వాలుతాయి. అక్షరాలను అలా మనముందు పరుస్తాయి. ఫలానా పుస్తకం కావాలంటే ఓ గ్రంథాలయానికో, బుక్ షాప్ కో వెళ్ళాల్సిన అవసరం తప్పించిందీ 'ఈ-బుక్స్' సాఫ్ట్ వేర్. అయితే, ఇంతటి ప్రజాదరణ పొందిన సాంకేతికతపై పలు విమర్శలూ లేకపోలేదు.
తాజాగా, ఒడిశాకు చెందిన పద్మశ్రీ అవార్డు గ్రహీత, ప్రఖ్యాత నవలా రచయిత్రి ప్రతిభా రే ఏమంటున్నారో వినండి. 'ఈ-బుక్స్'.. పిల్లల్లో సృజనాత్మకతను చిదిమేయడంతో పాటు వారిలో ఊహాశక్తిని చంపేస్తాయని అంటున్నారు. 'ఓ చిన్నారి మామూలు పుస్తకం చదివితే, తాను చదివిన దాని గురించి మనసులో తన ఊహాశక్తిని ఉపయోగించి ఓ చిత్తరువును రూపొందించుకుంటాడు. అదే, ఈ-బుక్స్ పరిజ్ఞానంతో కంప్యూటర్లోనో, ఫోన్ లోనో పుస్తకం చదివితే, ఓ సినిమా చూసినట్టుగానే అనుభూతి చెందుతాడు' అని ప్రతిభ పేర్కొన్నారు.
ఈ-బుక్స్ ఎన్నటికీ ముద్రిత పుస్తకాలకు ప్రత్యామ్నాయాలు కాబోవని చెబుతూ, 5,000 ఏళ్ళ నాటి మహాభారతం ఇప్పటికీ సజీవంగా నిలవడమే అందుకు తార్కాణమని చెప్పారు. అయితే, పురాణ గ్రంథాలు పునర్ముద్రణకు నోచుకున్నప్పుడే అవి తర్వాతి తరాలకు చేరువ అవుతాయని ప్రతిభ అన్నారు.
తాజాగా, ఒడిశాకు చెందిన పద్మశ్రీ అవార్డు గ్రహీత, ప్రఖ్యాత నవలా రచయిత్రి ప్రతిభా రే ఏమంటున్నారో వినండి. 'ఈ-బుక్స్'.. పిల్లల్లో సృజనాత్మకతను చిదిమేయడంతో పాటు వారిలో ఊహాశక్తిని చంపేస్తాయని అంటున్నారు. 'ఓ చిన్నారి మామూలు పుస్తకం చదివితే, తాను చదివిన దాని గురించి మనసులో తన ఊహాశక్తిని ఉపయోగించి ఓ చిత్తరువును రూపొందించుకుంటాడు. అదే, ఈ-బుక్స్ పరిజ్ఞానంతో కంప్యూటర్లోనో, ఫోన్ లోనో పుస్తకం చదివితే, ఓ సినిమా చూసినట్టుగానే అనుభూతి చెందుతాడు' అని ప్రతిభ పేర్కొన్నారు.
ఈ-బుక్స్ ఎన్నటికీ ముద్రిత పుస్తకాలకు ప్రత్యామ్నాయాలు కాబోవని చెబుతూ, 5,000 ఏళ్ళ నాటి మహాభారతం ఇప్పటికీ సజీవంగా నిలవడమే అందుకు తార్కాణమని చెప్పారు. అయితే, పురాణ గ్రంథాలు పునర్ముద్రణకు నోచుకున్నప్పుడే అవి తర్వాతి తరాలకు చేరువ అవుతాయని ప్రతిభ అన్నారు.
