1993 ముంబై పేలుళ్లకేసు తీర్పు విడుదల, యాకూబ్ కు ఉరిశిక్ష

నిందితులందరికీ పాకిస్థాన్ లో ఐఎస్ఐ శిక్షణ నిచ్చినట్టు సుప్రీం కోర్టు తన తీర్పులో పేర్కొంది. దుండగులు ఇస్లామాబాద్ విమానాశ్రయం నుంచి వెళ్లేందుకు తనిఖీలు చేయకుండా ఐఎస్ఐ సహకరించిందని కూడా కోర్టు వెల్లడించింది.  ప్రధాన సూత్రధారి టైగర్ మెమన్, దావూద్ ఇబ్రహీం తప్పించుకు తిరుగుతున్నారని సుప్రీం పేర్కొంది.

 ఇంతకు ముందు 2006లో  టాడా కోర్టు ఇచ్చిన తీర్పుమీద సుప్రీంకోర్టు సంతృప్తి వ్యక్తం చేసింది.  దాదాపు 20 ఏళ్ల క్రితం అంటే, 1993 మార్చి12న  జరిగిన ఈ ఘోరఖలిలో 255 మంది ప్రాణాలు కోల్పోగా,   713 మంది గాయాల పాలయ్యారు. భారీగా ఆస్తినష్టం జరిగింది.  గతంలో టాడాకోర్టు ఇచ్చిన తీర్పుమీద కొందరు సుప్రీంను ఆశ్రయించిన నేపధ్యంలో ఈ తీర్పు వెలువడింది.