నేడు ఢిల్లీ అసెంబ్లీకి రానున్న జన్ లోక్ పాల్ బిల్లు
అత్యంత కీలకమైన, వివాదాస్పదమైన జన్ లోక్ పాల్ బిల్లు ఈ రోజు ఢిల్లీ అసెంబ్లీ గడప తొక్కనుంది. ఎంతో మంది నేతలు, అధికారుల గుండెల్లో రైళ్లు పరుగెత్తిస్తున్న ఈ బిల్లును ఈ రోజు ఎలాగైనా సభలో ప్రవేశపెట్టాలని కేజ్రీవాల్ ప్రభుత్వం పట్టుదలతో ఉంది. జన్ లోక్ పాల్ బిల్లు అసెంబ్లీ ముందుకు రాకపోతే ముఖ్యమంత్రి పదవికి రాజీనామా చేస్తానని ఇప్పటికే కేజ్రీవాల్ హెచ్చరించారు. దీంతో ఏమి జరగబోతోందా? అని సర్వత్ర ఆసక్తి నెలకొంది.
