చిప్‌తో ఇక చిక్కిపోవచ్చు!
పెరిగిన బరువును తగ్గించుకోవడానికి నానా తంటాలు పడుతుంటాం. అలాకాకుండా పెరిగిన బరువును పెరిగిన సాంకేతిక పరిజ్ఞానంతో తగ్గించుకోవచ్చని పరిశోధకులు చెబుతున్నారు. అధిక బరువును తగ్గించుకోవడానికిగాను ఒక కొత్తరకం పరికరాన్ని పరిశోధకులు తయారుచేశారు. కంప్యూటర్‌ చిప్‌ తరహాలో ఉండే ఈ పరికరాన్ని మన శరీరంలో అమర్చుకుంటే చక్కగా చిక్కిపోవచ్చని పరిశోధకులు చెబుతున్నారు.
అధిక బరువుతో అలమటించేవారి కోసం ఒక కంప్యూటర్‌ చిప్‌ను జూరిచ్‌కు చెందిన ప్రొఫెసర్‌ మార్టిన్‌ ఫస్సెనెగ్గర్‌ రూపొందించారు. మానవ జన్యువులతో రూపొందించిన ఈ చిప్‌ను మన శరీరం లోపల అమర్చుతారు. ఇది రక్తంలోని కొవ్వు నిల్వలను ఎప్పటికప్పుడు పర్యవేక్షిస్తుంటుంది. రక్తంలోని కొవ్వు నిల్వలు పెరిగినప్పుడు ఇది తృప్తి కలిగిన అనుభూతిని కలిగించే ఒక రకమైన సంకేతాన్ని విడుదల చేస్తుంది. దీంతో ఈ చిప్‌ అమర్చిన వ్యక్తి ఆహారం తీసుకోవడం ఆపేస్తారు. రక్తంలోని కొవ్వు నిల్వలు మామూలు స్థాయికి చేరగానే చిప్‌ ఆ సంకేతాలను ఆపేస్తుందని మార్టిన్‌ చెబుతున్నారు. ప్రస్తుతం ఈ చిప్‌తో ఎలుకలపై చేస్తున్న ప్రయోగాలు విజయవంతం అయ్యాయని, ఇది మనుషులకు అందుబాటులోకి రావడానికి చాలా సమయం పడుతుందని మార్టిన్‌ చెబుతున్నారు.
అధిక బరువుతో అలమటించేవారి కోసం ఒక కంప్యూటర్‌ చిప్‌ను జూరిచ్‌కు చెందిన ప్రొఫెసర్‌ మార్టిన్‌ ఫస్సెనెగ్గర్‌ రూపొందించారు. మానవ జన్యువులతో రూపొందించిన ఈ చిప్‌ను మన శరీరం లోపల అమర్చుతారు. ఇది రక్తంలోని కొవ్వు నిల్వలను ఎప్పటికప్పుడు పర్యవేక్షిస్తుంటుంది. రక్తంలోని కొవ్వు నిల్వలు పెరిగినప్పుడు ఇది తృప్తి కలిగిన అనుభూతిని కలిగించే ఒక రకమైన సంకేతాన్ని విడుదల చేస్తుంది. దీంతో ఈ చిప్‌ అమర్చిన వ్యక్తి ఆహారం తీసుకోవడం ఆపేస్తారు. రక్తంలోని కొవ్వు నిల్వలు మామూలు స్థాయికి చేరగానే చిప్‌ ఆ సంకేతాలను ఆపేస్తుందని మార్టిన్‌ చెబుతున్నారు. ప్రస్తుతం ఈ చిప్‌తో ఎలుకలపై చేస్తున్న ప్రయోగాలు విజయవంతం అయ్యాయని, ఇది మనుషులకు అందుబాటులోకి రావడానికి చాలా సమయం పడుతుందని మార్టిన్‌ చెబుతున్నారు.
