శంషాబాద్ ఎయిర్ పోర్టుకు ఉత్తమ ఎయిర్ పోర్టు అవార్డు
హైదరాబాద్, శంషాబాద్ లోని రాజీవ్ గాంధీ అంతర్జాతీయ ఎయిర్ పోర్టు(ఆర్టీఐఏ)కి ఉత్తమ 'కార్గో ఎయిర్ పోర్టు' అవార్డు లభించింది. జైపూర్ లో జరిగిన ఎయిర్ కార్గో ఏజెంట్స్ అసోసియేషన్ 40 వ వార్షిక సమావేశంలో ఈ అవార్డును శంషాబాద్ ఎయిర్ పోర్టుకు ప్రకటించారు. ఈ అవార్డుకు ఎంపిక కావడం వరుసగా ఇది రెండోసారి అని జీఎంఆర్ హైదరాబాద్ ఎయిర్ పోర్టు లిమిటెడ్ వ్యాఖ్యానించింది. తమ సంస్థ చిత్తశుద్ధి, అంకిత భావం, సేవలకు ప్రతిరూపమే ఈ అవార్డు అని సీఈవో ఎస్ జీకే కిశోర్ అన్నారు.
