తెలంగాణ సీఎం సహాయనిధికి నెల వేతనాన్ని ఇచ్చిన కానిస్టేబుల్
రాచకొండ పోలీసు కమీషనరేట్ పరిధిలోని చైతన్యపురి స్టేషన్లో కానిస్టేబుల్ గా పని చేస్తున్న పల్లె శివకుమార్ తన నెల రోజుల వేతనాన్ని తెలంగాణ ముఖ్యమంత్రి సహాయ నిది (సీఎంఆర్ఎఫ్)కి అందజేశారు. ఈ మేరకు ఇరవై వేల రూపాయల చెక్కును రాష్ట్ర హోంమంత్రి మహ్మద్ మహమూద్ అలీకి సోమవారం నాడు లక్డీకాపూల్ లోని హోంమంత్రి కార్యాలయంలో అందించారు. శివకుమార్ ను ఈ సందర్బంగా హోంమంత్రి అభినందించారు. కార్యక్రమంలో కె శ్రీనివాస్ యాదవ్ తదితరులు పాల్గొన్నారు.
