మంత్రి నారా లోకేశ్‌ను కలిసిన క్రైస్తవ మతపెద్దలు

ఆంధ్రప్రదేశ్ విద్యాశాఖ మంత్రి నారా లోకేశ్ క్యాథలిక్ బిషప్‌లతో సమావేశమయ్యారు. ఈ విషయాన్ని ఆయన స్వయంగా తన ట్విట్టర్ (ఎక్స్) ఖాతా ద్వారా వెల్లడించారు. గౌరవనీయులైన క్యాథలిక్ బిషప్‌లకు ఆతిథ్యం ఇవ్వడం సంతోషంగా ఉందని ఆయన పేర్కొన్నారు. ఈ సమావేశంలో పలు కీలక అంశాలపై చర్చించినట్లు తెలిపారు.

ఈ భేటీ సందర్భంగా సామాజిక సాధికారత కోసం చేపట్టాల్సిన కార్యక్రమాలు, రాష్ట్ర అభివృద్ధిలో చర్చి పోషించాల్సిన పాత్రపై ప్రధానంగా చర్చించినట్లు లోకేశ్ తన పోస్టులో వివరించారు. దీంతో పాటు విద్య, ప్రాతినిధ్యానికి సంబంధించి బిషప్‌లు లేవనెత్తిన అంశాలపైనా చర్చలు జరిపినట్టు ఆయన తెలిపారు.