United Nations: ఈ సమయంలో ఇరు దేశాలు సంయమనం పాటిస్తే బెటర్: ఐక్యరాజ్యసమితి
- పహల్గామ్ ఉగ్రదాడిని ఖండించిన ప్రపంచ దేశాలు
- పౌరులపై దాడి ఏమాత్రం ఆమోదయోగ్యం కాదన్న ఐక్యరాజ్యసమితి
- ఉద్రిక్తతల వేళ పాక్, భారత్ సంయమనం పాటించాలన్న ఐరాస
జమ్మూకశ్మీర్లోని పహల్గామ్లో జరిగిన పాశవిక ఉగ్రదాడిని ప్రపంచ దేశాలు తీవ్రంగా ఖండిస్తున్న విషయం తెలిసిందే. పర్యాటకులపై ముష్కరులు తూటాల వర్షం కురిపించడంతో 26 మంది ప్రాణాలు కోల్పోయిన ఈ భీకర దాడిని ఐక్యరాజ్యసమితి కూడా ఖండించింది.
ఈ నేపథ్యంలో ఆందోళనకర పరిస్థితిని ఐక్యరాజ్యసమితి సెక్రటరీ జనరల్ ఆంటోనియో గుటెరస్ నిశితంగా పరిశీలిస్తున్నారని ఐరాస అధికార ప్రతినిధి స్టీఫెన్ డుజారిక్ తెలిపారు. ఈ ఉగ్రవాద దాడిని ఐక్యరాజ్యసమితి తీవ్రంగా ఖండిస్తోందన్న ఆయన... ఈ సమయంలో పాక్, భారత్ సంయమనం పాటించాలని సూచించారు.
గురువారం మీడియాతో మాట్లాడిన స్టీఫెన్ డుజారిక్... "జమ్మూలో టూరిస్టులపై జరిగిన పాశవిక ఉగ్రదాడిని ఐక్యరాజ్యసమితి తీవ్రంగా ఖండిస్తోంది. పౌరులపై దాడి అనేది ఏమాత్రం ఆమోదయోగ్యం కాదు. ఐరాస సెక్రటరీ జనరల్ ఆంటోనియో గుటెరస్ ఈ ఆందోళనకర పరిస్థితిని నిశితంగా పరిశీలిస్తున్నారు. భారత్, పాక్ సంయమనం పాటించాలని కోరుతున్నాం. ఇరుదేశాల మధ్య ఏదైనా సమస్య ఉంటే శాంతియుత చర్చల ద్వారా వాటిని పరిష్కరించుకుంటారని ఆశిస్తున్నాం" అని ఆయన తెలిపారు.
ఇక, ఈ ఉగ్రదాడి వెనుక పాకిస్థాన్ హస్తం ఉందంటూ ఆరోపించిన భారత్... సింధూ నదీ జలాల ఒప్పందాన్ని రద్దు చేసుకున్న విషయం తెలిసిందే. ఇదే విషయమై స్టీఫెన్ డుజారిక్ ను విలేకరులు ప్రశ్నించారు. ఈ ఉద్రిక్తతల వేళ నిబంధనలపై రెండు దేశాలు సంయమనం పాటించి, పరిస్థితులు మరింత మెరుగుపడేలా చర్యలు తీసుకుంటాయని ఆశిస్తున్నామని ఆయన అన్నారు.
ఈ నేపథ్యంలో ఆందోళనకర పరిస్థితిని ఐక్యరాజ్యసమితి సెక్రటరీ జనరల్ ఆంటోనియో గుటెరస్ నిశితంగా పరిశీలిస్తున్నారని ఐరాస అధికార ప్రతినిధి స్టీఫెన్ డుజారిక్ తెలిపారు. ఈ ఉగ్రవాద దాడిని ఐక్యరాజ్యసమితి తీవ్రంగా ఖండిస్తోందన్న ఆయన... ఈ సమయంలో పాక్, భారత్ సంయమనం పాటించాలని సూచించారు.
గురువారం మీడియాతో మాట్లాడిన స్టీఫెన్ డుజారిక్... "జమ్మూలో టూరిస్టులపై జరిగిన పాశవిక ఉగ్రదాడిని ఐక్యరాజ్యసమితి తీవ్రంగా ఖండిస్తోంది. పౌరులపై దాడి అనేది ఏమాత్రం ఆమోదయోగ్యం కాదు. ఐరాస సెక్రటరీ జనరల్ ఆంటోనియో గుటెరస్ ఈ ఆందోళనకర పరిస్థితిని నిశితంగా పరిశీలిస్తున్నారు. భారత్, పాక్ సంయమనం పాటించాలని కోరుతున్నాం. ఇరుదేశాల మధ్య ఏదైనా సమస్య ఉంటే శాంతియుత చర్చల ద్వారా వాటిని పరిష్కరించుకుంటారని ఆశిస్తున్నాం" అని ఆయన తెలిపారు.
ఇక, ఈ ఉగ్రదాడి వెనుక పాకిస్థాన్ హస్తం ఉందంటూ ఆరోపించిన భారత్... సింధూ నదీ జలాల ఒప్పందాన్ని రద్దు చేసుకున్న విషయం తెలిసిందే. ఇదే విషయమై స్టీఫెన్ డుజారిక్ ను విలేకరులు ప్రశ్నించారు. ఈ ఉద్రిక్తతల వేళ నిబంధనలపై రెండు దేశాలు సంయమనం పాటించి, పరిస్థితులు మరింత మెరుగుపడేలా చర్యలు తీసుకుంటాయని ఆశిస్తున్నామని ఆయన అన్నారు.
