Stock Market: స్టాక్ మార్కెట్లలో ఐదు రోజుల లాభాలకు బ్రేక్

దేశీయ స్టాక్ మార్కెట్లు ఈరోజు స్వల్ప నష్టాల్లో ముగిశాయి. ఐదు రోజుల లాభాలకు బ్రేక్ పడింది. ఆర్బీఐ పరపతి విధాన సమీక్ష నిర్ణయాలు ఇన్వెస్టర్లను మెప్పించలేకపోయాయి. ఈ క్రమంలో మార్కెట్లు నష్టాల్లో ముగిశాయి. ఈరోజు ట్రేడింగ్ ముగిసే సమయానికి సెన్సెక్స్ 56 పాయింట్ల నష్టంతో 81,709 వద్ద ముగిసింది. నిఫ్టీ 30 పాయింట్లు కోల్పోయి 24,677 వద్ద స్థిరపడింది.

బీఎస్ఈ సెన్సెక్స్ టాప్ గెయినర్స్:
టాటా మోటార్స్ (3.05%), యాక్సిస్ బ్యాంక్ (1.61%), మారుతి (1.23%), ఎల్ అండ్ టీ (0.93%), ఐటీసీ (0.79%).

టాప్ లూజర్స్:
అదానీ పోర్ట్స్ (-1.20%), భారతి ఎయిర్ టెల్ (-1.01%), ఏషియన్ పెయింట్స్ (-0.93%), ఇండస్ ఇండ్ బ్యాంక్ (-0.73%), బజాజ్ ఫిన్ సర్వ్ (-0.71%).