మహీంద్రా స్కార్పియో-ఎన్ కారును కొనుగోలు చేసిన ఆసీస్ క్రికెట్ దిగ్గజం

దేశీయ ఆటోమొబైల్ దిగ్గజం మహీంద్రా అండ్ మహీంద్రా సంస్థ దేశవిదేశాల్లో వ్యాపారాన్ని విస్తరించుకుంటోంది. ఆస్ట్రేలియాలోనూ మహీంద్రా ఎస్ యూవీలు, హెవీ డ్యూటీ ట్రాక్టర్లకు మాంచి గిరాకీ ఉంది. ఆస్ట్రేలియా క్రికెట్ దిగ్గజం మాథ్యూ హేడెన్ మహీంద్రా సంస్థకు ఆస్ట్రేలియాలో బ్రాండ్ అంబాసిడర్ గా వ్యవహరిస్తున్నాడు. ఇప్పటివరకు హేడెన్ వద్ద పలు మహీంద్రా వాహనాలు ఉండగా, ఇటీవల మహీంద్రా స్కార్కియో-ఎన్ ఎస్ యూవీ వాహనాన్ని కూడా కొనుగోలు చేశాడు. బ్రిస్బేన్ లోని మహీంద్రా షోరూమ్ లో వాహనం డెలివరీ అందుకున్నాడు. దీనికి సంబంధించిన వీడియోను మహీంద్రా సంస్థ ఆస్ట్రేలియా విభాగం యూట్యూబ్ చానల్ లో పంచుకుంది.