ప్రచార వాహనంపై నుంచి పడిన ఘటన... స్పందించిన మంత్రి కేటీఆర్

నిజామాబాద్ జిల్లా ఆర్మూర్‌లో నిర్వహించిన బీఆర్ఎస్ నామినేషన్ ప్రక్రియ సందర్భంగా అపశ్రుతి చోటు చేసుకున్న విషయం తెలిసిందే. డ్రైవర్ సడన్ బ్రేక్ వేయడంతో ఎన్నికల ప్రచార వాహనం రెయిలింగ్ కూలి బీఆర్ఎస్ ఆర్మూర్ అభ్యర్థి జీవన్ రెడ్డి, మంత్రి కేటీఆర్, ఎంపీ సురేశ్ రెడ్డి తదితరులు వాహనం పైనుంచి కిందపడ్డారు. దీంతో కేటీఆర్‌కు స్వల్పంగా గాయాలయ్యాయి. ఈ ఘటనపై మంత్రి కేటీఆర్ స్పందించారు. అదృష్టవశాత్తు ఎలాంటి ప్రమాదం జరగలేదన్నారు. తన ఆరోగ్య పరిస్థితిపై ఎవరూ ఎలాంటి ఆందోళన చెందవద్దన్నారు.