మిడ్ మానేరు జలాశయంలో బోటు నడిపిన కేటీఆర్... వీడియో ఇదిగో!

తెలంగాణ మంత్రి కేటీఆర్ ఇవాళ రాజన్న సిరిసిల్ల జిల్లాలో పర్యటించారు. మరో మంత్రి శ్రీనివాస్ గౌడ్ తో కలిసి మిడ్ మానేరు జలాశయంలో బోటింగ్ యూనిట్ ను ప్రారంభించారు. పర్యాటక శాఖ ఆధ్వర్యంలో ఈ బోటింగ్ యూనిట్ ఏర్పాటు చేశారు. బోటులో ప్రయాణిస్తూ మిడ్ మానేరు జలాశయం అందాలను వీక్షించే సదుపాయం ఇప్పుడు ప్రజలకు అందుబాటులోకి వచ్చింది. 

కాగా, ప్రారంభోత్సవం అనంతరం, మంత్రి కేటీఆర్ ఓ బోటులో ప్రయాణిస్తూ స్టీరింగ్ ను తన చేతుల్లోకి తీసుకున్నారు. బోటును నడుపుతూ ఆస్వాదించారు. ఆ సమయంలో మంత్రివర్గ సహచరుడు శ్రీనివాస్ గౌడ్.. కేటీఆర్ పక్కనే ఉన్నారు. దీనికి సంబంధించిన ఫొటోలు, వీడియోలను బీఆర్ఎస్ పార్టీ సోషల్ మీడియాలో పంచుకుంది.