గురిపెట్టిన గన్స్ ముందు కూల్ గా బిగ్ బుల్ .. 'డబుల్ ఇస్మార్ట్' నుంచి సంజయ్ దత్ ఫస్టులుక్!
- రామ్ హీరోగా రూపొందుతున్న 'డబుల్ ఇస్మార్ట్'
- పూరి దర్శకత్వంలో చేస్తున్న రెండో సినిమా
- ముంబై నేపథ్యంలో నడిచే కథ
- 'బిగ్ బుల్' పాత్రలో సంజయ్ దత్
- మార్చి 8వ తేదీన సినిమా విడుదల
కొంతకాలం క్రితం పూరి తన సొంత బ్యానర్లో రామ్ హీరోగా హిట్ కొట్టిన 'ఇస్మార్ట్ శంకర్'కి ఇది సీక్వెల్. ఈ సినిమాలో పవర్ ఫుల్ విలన్ పాత్ర కోసం సంజయ్ దత్ ను తీసుకున్నారు. ఆయన పాత్ర పేరే 'బిగ్ బుల్'. ఆ పాత్రకి సంబంధించిన ఆయన లుక్ ను కొంతసేపటి క్రితం వదిలారు. సూటు .. చెవి రింగ్ .. పచ్చబొట్టుతో ఈ పోస్టర్ లో సంజయ్ దత్ చాలా స్టైలీష్ గా కనిపిస్తున్నాడు.
ఆయనను గన్స్ తో కొంతమంది టార్గెట్ చేసినట్టుగా అందుకు సంబంధించిన లేజర్ పాయింట్స్ ఆయన శరీరంపై కనిపిస్తున్నాయి. అయినా ఆయన చాలా కూల్ గా ఖరీదైన చుట్ట కాలుస్తూ కనిపిస్తున్నాడు. ఈ రోల్ పై అందరిలో ఆసక్తిని పెంచుతున్నాడు. ముంబై నేపథ్యంలో నడిచే ఈ సినిమా, మార్చి 8వ తేదీన .. 'మహాశివరాత్రి కానుకగా ప్రేక్షకుల ముందుకు రానుంది.
