Class 9 girl: బాలికపై సహచర విద్యార్ధి లైంగిక వేధింపులు.. అతడి తండ్రి అత్యాచారం
- పరీక్షకు సంబంధించి పత్రాన్ని ఇస్తానంటూ ఇంటికి తీసుకెళ్లిన బాలుడు
- ఆమెపై అత్యాచారం చేయబోగా, కేకలు పెట్టిన బాలిక
- కుమారుడ్ని బయటకు పంపించి దారుణానికి పాల్పడిన అతడి తండ్రి
సమాజం సిగ్గుతో తలదించుకునే మరో దుర్మార్గ ఘటన యూపీలో చోటు చేసుకుంది. తొమ్మిదో తరగతి చదువుతున్న 15 ఏళ్ల బాలికపై సహచర విద్యార్థి లైంగిక వేధింపులకు పాల్పడగా.. అతడి తండ్రి ఏకంగా కామాంధుడి అవతారం ఎత్తి బాలికపై అత్యాచారానికి పాల్పడ్డాడు. ఈ ఘటన గత నెల 13న జరగ్గా, ఫిలిబిత్ సిటీ కోర్టు పోస్కో చట్టం కింద కేసు నమోదుకు ఆదేశించడంతో.. పోలీసులు తాజాగా దీనిపై కేసు నమోదు చేశారు.
మార్చి 13న సదరు బాలికను తోటి విద్యార్థి (18 ఏళ్లు) స్కూలు నుంచి తన ఇంటికి తీసుకెళ్లాడు. రానున్న ఎగ్జామ్ కు సంబంధించి డాక్యుమెంట్ ఫొటో కాపీ ఇస్తానని మభ్యపెట్టి తీసుకెళ్లాడు. ఇంట్లో ఆమెపై లైంగిక దాడి చేయబోయాడు. సాయం కోసం బాలిక కేకలు పెట్టింది. అది విన్న బాలుడి తండ్రి (42 ఏళ్లు) అక్కడకు చేరుకున్నాడు. తన కుమారుడిని అక్కడి నుంచి బయటకు పంపించేశాడు. తర్వాత కండువాతో ఆమెను బంధించేసి అత్యాచారం చేశాడు. ఈ విషయం ఎవరికి అయినా చెబితే చంపేస్తానని బాలికను బెదిరించాడు. ఈ విషయమై బాలిక ఆంటీ పోలీసులకు ఫిర్యాదు చేసినా, వారు కేసు నమోదు చేయలేదు. దీంతో కోర్టును ఆశ్రయించి అనుకూల ఆదేశాలు తెచ్చుకున్నారు.
మార్చి 13న సదరు బాలికను తోటి విద్యార్థి (18 ఏళ్లు) స్కూలు నుంచి తన ఇంటికి తీసుకెళ్లాడు. రానున్న ఎగ్జామ్ కు సంబంధించి డాక్యుమెంట్ ఫొటో కాపీ ఇస్తానని మభ్యపెట్టి తీసుకెళ్లాడు. ఇంట్లో ఆమెపై లైంగిక దాడి చేయబోయాడు. సాయం కోసం బాలిక కేకలు పెట్టింది. అది విన్న బాలుడి తండ్రి (42 ఏళ్లు) అక్కడకు చేరుకున్నాడు. తన కుమారుడిని అక్కడి నుంచి బయటకు పంపించేశాడు. తర్వాత కండువాతో ఆమెను బంధించేసి అత్యాచారం చేశాడు. ఈ విషయం ఎవరికి అయినా చెబితే చంపేస్తానని బాలికను బెదిరించాడు. ఈ విషయమై బాలిక ఆంటీ పోలీసులకు ఫిర్యాదు చేసినా, వారు కేసు నమోదు చేయలేదు. దీంతో కోర్టును ఆశ్రయించి అనుకూల ఆదేశాలు తెచ్చుకున్నారు.
