crocodile: ఇదేం సరదానో..! మొసలి వేషం వేసుకొని, నది ఒడ్డున మొసలినే ఆట పట్టించిన వ్యక్తి.. వీడియో ఇదిగో!

  • సోషల్ మీడియాలో వైరల్ అవుతున్న వీడియో
  • మొసలి వేషం వేసిన వ్యక్తిపై రకరకాల కామెంట్లు
  • చావడానికి సృజనాత్మక మార్గం అంటూ విమర్శలు
Man Wears Crocodile Costume And Teases Reptile Internet Shocked

కొంత మంది సరదా కోసం ప్రాణాలను సైతం పణంగా పెడుతుంటారు. అలాంటి కోవకే చెందిన ఓ వ్యక్తి మొసలి వేషం వేసుకొని, నిజమైన మొసలిని ఆటపట్టించే ప్రయత్నం చేశాడు. ఇందుకు సంబంధించిన వీడియో సోషల్ మీడియాలో వైరల్ అవుతోంది.  పది సెకన్ల నిడివి ఉన్న ఈ వీడియోను నరేంద్ర సింగ్ అనే యూజర్ ట్విట్టర్‌లో పోస్ట్ చేశారు. నది ఒడ్డు దగ్గర మొసలి ఉండగా.. ఓ వ్యక్తి అచ్చం మొసలిని పోలి ఉన్న వేషం ధరించి నిజమైన మొసలి పక్కనే పడుకున్నాడు.
 
నిజమైన మొసలి ముందుకెళ్తుండగా.. చేత్తో దాన్ని తాకుతూ ఆట పట్టించే ప్రయత్నం చేశాడు. ‘ఈ వ్యక్తి ఏ మందు తాగాడో’ అనే ట్యాగ్ లైన్ తో నరేంద్ర సింగ్ షేర్ చేసిన ఈ వీడియోను చూసి చాలా మంది ఆశ్చర్యపోయారు. ఆ వ్యక్తి ‘మొసలి చేష్టల’పై రకరకాల కామెంట్లు వస్తున్నాయి. ధైర్యానికి, మూర్ఖత్వానికి మధ్య చిన్న గీత మాత్రమే ఉంటుందని ఓ యూజర్ ఎద్దేవా చేశాడు. చావడానికి సృజనాత్మక మార్గం ఎంచుకున్నాడని మరో వ్యక్తి అభిప్రాయపడ్డాడు.

More Telugu News