తప్పతాగి డ్రైవింగ్... బుక్కరాయసముద్రం వద్ద వాగులో పడిపోయిన లారీ.... వీడియో ఇదిగో
- అనంతపురం జిల్లాలో భారీ వర్షాలు
- పొంగిపొర్లుతున్న వాగులు, వంకలు
- మద్యం మత్తులో లారీపై నియంత్రణ కోల్పోయిన డ్రైవర్
- డ్రైవర్ సురక్షితం
అనంతపురం జిల్లాలో గత కొన్నిరోజులుగా కురుస్తున్న భారీ వర్షాలకు వాగులు, వంకలు పొంగిపొర్లుతున్నాయి. జిల్లాలోని అనేక ప్రాంతాలు వరద గుప్పిట్లో చిక్కుకుపోయాయి. బుక్కరాయసముద్రం వద్ద వాగు కూడా వరద నీటితో ఉప్పొంగుతోంది.
ఈ నేపథ్యంలో, వాగుపై ఉన్న చప్టా మీదుగా వరద నీరు ప్రవహిస్తోంది. అటుగా వచ్చిన ఓ కాంక్రీటు మిక్సర్ లారీ చప్టా మీద నుంచి జారిపోయి నీటిలో పడిపోయింది. అయితే క్యాబిన్ స్థిరంగా నిలబడడంతో డ్రైవర్ కు ప్రాణాపాయం తప్పింది. అతడిని సురక్షితంగా బయటికి తీసుకువచ్చారు.
కాగా, ఆ డ్రైవర్ తప్పతాగి డ్రైవింగ్ చేసినందువల్లే లారీ వాగులో పడిపోయినట్టు గుర్తించారు. ఆ డ్రైవర్ కు బ్రీత్ ఎనలైజర్ టెస్టు నిర్వహించగా, 183 పాయింట్లు చూపించింది. మద్యం మత్తులో నడపడం వల్లే లారీని నియంత్రించలేకపోయాడని పోలీసులు నిర్ధారణకు వచ్చారు.
ఈ నేపథ్యంలో, వాగుపై ఉన్న చప్టా మీదుగా వరద నీరు ప్రవహిస్తోంది. అటుగా వచ్చిన ఓ కాంక్రీటు మిక్సర్ లారీ చప్టా మీద నుంచి జారిపోయి నీటిలో పడిపోయింది. అయితే క్యాబిన్ స్థిరంగా నిలబడడంతో డ్రైవర్ కు ప్రాణాపాయం తప్పింది. అతడిని సురక్షితంగా బయటికి తీసుకువచ్చారు.
కాగా, ఆ డ్రైవర్ తప్పతాగి డ్రైవింగ్ చేసినందువల్లే లారీ వాగులో పడిపోయినట్టు గుర్తించారు. ఆ డ్రైవర్ కు బ్రీత్ ఎనలైజర్ టెస్టు నిర్వహించగా, 183 పాయింట్లు చూపించింది. మద్యం మత్తులో నడపడం వల్లే లారీని నియంత్రించలేకపోయాడని పోలీసులు నిర్ధారణకు వచ్చారు.
