ఆస్ట్రాల్ పైపుల యాడ్ లో అల్లు అర్జున్ అదిరిపోయే లుక్కు

టాలీవుడ్ ఐకాన్ స్టార్ అల్లు అర్జున్ ఇటీవల యాడ్ ఫిలింస్ తో బిజీ అయ్యారు. ఇటీవలే త్రివిక్రమ్ శ్రీనివాస్ దర్శకత్వంలో ఓ యాడ్ చిత్రీకరణలో పాల్గొన్న అల్లు అర్జున్, అనంతరం హరీశ్ శంకర్ డైరెక్షన్ లో మరో యాడ్ షూటింగ్ కు హాజరయ్యారు. హరీశ్ శంకర్ దర్శకత్వంలో రూపొందుతున్న యాడ్ ఆస్ట్రాల్ పైపుల కోసం చేస్తున్నారు. 

తాజాగా ఈ యాడ్ కు సంబంధించి తన లుక్ ను అల్లు అర్జున్ సోషల్ మీడియాలో పంచుకున్నారు. చెవికి రెండు పోగులు, కొద్దిగా నెరిసిన జుట్టు, గడ్డం, కళ్లకు కూలింగ్ గ్లాసెస్, నోటిలో సిగార్ తో రఫ్ లుక్ ఉట్టిపడేలా బన్నీ దర్శనమిస్తున్నాడు. ఈ ఫొటోను బన్నీ పంచుకున్న కాసేపట్లోనే అభిమానులు లైకులు, రీట్వీట్లతో హోరెత్తిస్తున్నారు.