Vijayasai Reddy: జగన్ కు, వైఎస్ భారతికి ధన్యవాదాలు తెలిపిన విజయసాయిరెడ్డి

రాజ్యసభ సభ్యుడిగా వైసీపీ నేత విజయసాయిరెడ్డి ప్రమాణస్వీకారం చేశారు. పెద్దల సభలో ఆయన అడుగుపెట్టడం ఇది వరుసగా రెండోసారి. ఈ సందర్భంగా ట్విట్టర్ ద్వారా ఆయన స్పందిస్తూ... రాజ్యసభ సభ్యుడిగా ఈరోజు ప్రమాణస్వీకారం చేయడం జరిగిందని తెలిపారు. ఆంధ్రప్రదేశ్ నుంచి తనను మరోసారి రాజ్యసభ సభ్యుడిని చేసిన ముఖ్యమంత్రి జగన్ కు, వైఎస్ భారతమ్మకు ఈ సందర్భంగా హృదయపూర్వక ధన్యవాదాలు తెలుపుతున్నానని పేర్కొన్నారు. ఇకపై తన బాధ్యతలను మరింత అంకితభావంతో నిర్వర్తిస్తానని తెలిపారు.