మహేశ్ నో చెప్పిందీ అందుకే .. విజయ్ ఎస్ చెప్పిందీ అందుకేనట!

తమిళనాట విజయ్ కి గల క్రేజ్ గురించి ప్రత్యేకంగా చెప్పుకోవలసిన పనిలేదు. ఇటీవల ఆయన నుంచి వచ్చిన 'బీస్ట్' ఆశించిన స్థాయిలో ఆడలేదు. ఆ తరువాత సినిమాను ఆయన వంశీ  పైడిపల్లి దర్శకత్వంలో చేస్తున్నాడు. దిల్ రాజు నిర్మిస్తున్న ఈ ద్విభాషా చిత్రం ప్రస్తుతం షూటింగు జరుపుకుంటోంది.

ఈ సినిమాలో విజయ్ ద్విపాత్రాభినయం చేస్తున్నాడనేది  తాజా సమాచారం. ఈ కథను వంశీ పైడిపల్లి ముందుగా మహేశ్ బాబుకి వినిపించాడు. ద్విపాత్రాభినయాలు చేయదలచుకోలేదని ఒక సందర్భంలో మహేశ్ చెప్పాడు. అందువలన ఈ కథను ఆయన సున్నితంగా తిరస్కరించాడు. దాంతో ఆ కథను విజయ్ కి వినిపించాడు వంశీ పైడిపల్లి. 

ద్విపాత్రాభినయం పట్ల గల ఆసక్తితోనే విజయ్ ఈ సినిమా చేయడానికి వెంటనే అంగీకరించాడట. రెండు పాత్రల మధ్య వేరియేషన్ చాలా ఇంట్రెస్టింగ్ గా ఉంటుందని అంటున్నారు. ఒక కథానాయికగా అయితే రష్మికను తీసుకున్నారు. మరో కథానాయికకి ఛాన్స్ ఉంటుందా లేదా అనేది మాత్రం తెలియదు. త్వరలోనే ఈ విషయంలో క్లారిటీ రానుంది.