బ్రోక‌ర్ల మాఫియాతో కేసీఆర్ కుమ్మ‌క్కు.. రైతుల‌కు లేఖ‌లో బండి సంజయ్ ధ్వజం
- 'రైతులు త‌క్కువ ధ‌ర‌కే ధాన్యం అమ్ముకునేలా కేసీఆర్ ప్లాన్' అంటూ సంజయ్ విమర్శలు
- కొనుగోలు కేంద్రాల మూత వెనుక పెద్ద కుట్ర ఉందని వ్యాఖ్య
- రైతుల ఆగ్ర‌హాన్ని కేంద్రంపైకి మ‌ళ్లించడ‌మే వారి ల‌క్ష్య‌మ‌న్న సంజయ్
ధాన్యం కొనుగోలుకు సంబంధించి బ్రోక‌ర్ల మాఫియాతో సీఎం కేసీఆర్ కుమ్మ‌క్క‌య్యార‌ని బీజేపీ తెలంగాణ అధ్య‌క్షుడు, క‌రీంన‌గ‌ర్ ఎంపీ బండి సంజయ్ ఆరోపించారు. తెలంగాణ‌లో ఈ యాసంగిలో పండ‌నున్న మొత్తం ధాన్యాన్ని కేంద్ర‌మే కొనుగోలు చేయాలంటూ టీఆర్ఎస్ డిమాండ్‌.. దానికి బ‌దులుగా టీఆర్ఎస్ వ్య‌వ‌హ‌రిస్తున్న తీరుపై బీజేపీ ఆరోప‌ణ‌ల నేప‌థ్యంలో... అస‌లు వాస్త‌వాలు ఇవేనంటూ బండి సంజయ్ శ‌నివారం రైతుల‌కు ఓ బ‌హిరంగ లేఖ‌ను విడుద‌ల చేశారు. ఈ లేఖ‌లో ఆయన ప‌లు కీల‌క అంశాల‌ను ప్ర‌స్తావించారు.
ధాన్యం కొనుగోళ్ల‌లో భారీ ఎత్తున క‌మీష‌న్లు దండుకునేందుకు టీఆర్ఎస్ నేత‌లు స్కెచ్ వేశారని బండి సంజయ్ ఆరోపించారు. ఈ క్ర‌మంలో రైతులు త‌క్కువ ధ‌ర‌కే ధాన్యం విక్ర‌యించేలా ప్లాన్ ర‌చించార‌ని ఆయన పేర్కొన్నారు. రైతుల్లో వెల్లువెత్తే ఆగ్ర‌హాన్ని కేంద్రంపైకి మ‌ళ్లించే కుట్ర‌లో భాగంగానే ధాన్యం కొనుగోలు కేంద్రాల‌ను మూసివేశార‌ని ఆయన ధ్వ‌జ‌మెత్తారు.
కేసీఆర్ ర‌చించిన ఈ కుట్ర‌లో అన్న‌దాత‌ల‌కు భారీ ఎత్తున న‌ష్టం వాటిల్లే ప్ర‌మాద‌ముంద‌ని కూడా ఆయన ఆరోపించారు. ధాన్యం కొనుగోలు కేంద్రాల‌ను తిరిగి తెరిచేలా కేసీఆర్ మెడ‌లు వంచుదాం రండి అంటూ ఆయన రైతుల‌కు పిలుపునిచ్చారు.
ధాన్యం కొనుగోళ్ల‌లో భారీ ఎత్తున క‌మీష‌న్లు దండుకునేందుకు టీఆర్ఎస్ నేత‌లు స్కెచ్ వేశారని బండి సంజయ్ ఆరోపించారు. ఈ క్ర‌మంలో రైతులు త‌క్కువ ధ‌ర‌కే ధాన్యం విక్ర‌యించేలా ప్లాన్ ర‌చించార‌ని ఆయన పేర్కొన్నారు. రైతుల్లో వెల్లువెత్తే ఆగ్ర‌హాన్ని కేంద్రంపైకి మ‌ళ్లించే కుట్ర‌లో భాగంగానే ధాన్యం కొనుగోలు కేంద్రాల‌ను మూసివేశార‌ని ఆయన ధ్వ‌జ‌మెత్తారు.
కేసీఆర్ ర‌చించిన ఈ కుట్ర‌లో అన్న‌దాత‌ల‌కు భారీ ఎత్తున న‌ష్టం వాటిల్లే ప్ర‌మాద‌ముంద‌ని కూడా ఆయన ఆరోపించారు. ధాన్యం కొనుగోలు కేంద్రాల‌ను తిరిగి తెరిచేలా కేసీఆర్ మెడ‌లు వంచుదాం రండి అంటూ ఆయన రైతుల‌కు పిలుపునిచ్చారు.
