ప్రభాస్ మూవీ టైటిల్ గా 'కల్కి'?

ప్రభాస్ కథానాయకుడిగా ఇటీవల థియేటర్లకు వచ్చిన 'రాధే శ్యామ్' భారీ ఓపెనింగ్స్ ను రాబట్టుకుంది. ఆ తరువాత  ప్రభాస్ నుంచి రావడానికి 'సలార్' .. 'ఆది పురుష్' సిద్ధమవుతున్నాయి. ఇక నాగ్ అశ్విన్ దర్శకత్వంలో ఆయన చేస్తున్న 'ప్రాజెక్టు K' షూటింగు దశలో ఉంది. ఇక ఈ సినిమా షూటింగును వేగవంతం చేయనున్నారు. 

అయితే ఈ సినిమాకి 'ప్రాజెక్టు K' అనేది వర్కింగ్ టైటిల్ గానే అంతా భావిస్తున్నారు. ఈ నేపథ్యంలో 'ప్రాజెక్టు K'లో.. K అంటే ఎవరు? ఏమిటి? అనే ఆసక్తి అందరిలో మొదలైంది. K అంటే 'కల్కి' అనీ .. అదే ఈ సినిమా టైటిల్ అని అంటున్నారు. 'కల్కి' పేరుతోనే ప్రభాస్ కనిపిస్తాడని చెబుతున్నారు. 

ఇంతవరకూ ఈ సినిమాలో ప్రభాస్ సూపర్ హీరోగా కనిపించనున్నాడనే చెప్పుకున్నారు. అయితే ఈ సినిమాలో పురాణాలు ..  ఇతిహాసాలకి సంబంధించిన ప్రస్తావన కూడా ఉంటుందనే టాక్ వినిపిస్తోంది. దీపికా పదుకొణే కథానాయికగా నటిస్తున్న ఈ సినిమాలో, ఒక కీలకమైన పాత్రలో అమితాబ్ కనిపించనున్నారు.