చాలా మంది భారతీయులు మహిళలను మనుషులుగా చూడడం లేదు: రాహుల్ గాంధీ
- సమాజం సిగ్గుపడే ఘటన
- సమాజ వికృత రూపానికి నిదర్శనమని వ్యాఖ్య
- ఢిల్లీలో యువతిపై దాడి పట్ల రాహుల్ విచారం
‘‘20 ఏళ్ల మహిళపై దారుణంగా దాడి చేసిన వీడియో కలవరానికి గురిచేసే మన సమాజపు ముఖాన్ని తెలియజేస్తోంది. చేదు నిజం ఏమిటంటే.. చాలా మంది భారతీయులు మహిళలను మనుషులుగా చూడకపోవడం. సిగ్గుచేటైన ఈ నిజాన్ని గుర్తించాల్సి ఉంది. దాన్ని పారదోలాల్సి ఉంది’’ అని రాహుల్ గాంధీ పేర్కొన్నారు.
మరోపక్క, ఈ వీడియో వెలుగు చూసిన తర్వాత ఢిల్లీ పోలీసులు 11 మందిని అరెస్ట్ చేశారు. దీనిపై విచారణ నిర్వహిస్తున్నామని, సామాజిక మాధ్యమాల్లో వదంతులను వ్యాప్తి చేయవద్దని కోరారు. బాధితురాలు ఆరోగ్యంగానే ఉందని తెలిపారు.
