Taliban: తాలిబన్ల పైశాచికత్వం.... సంగీతకారుడి ఎదుటే వాయిద్య పరికరం దగ్ధం చేసిన వైనం

తాలిబన్ల అరాచకత్వం గురించి ప్రత్యేకంగా చెప్పనక్కర్లేదు. వారి ఉన్మాదాన్ని వెల్లడించే తాజా వీడియో సోషల్ మీడియాలో దర్శనమిస్తోంది. పక్తికా ప్రావిన్స్ లోని జజాయ్ అరుబ్ జిల్లాలో ఈ ఘటన జరిగింది. ఓ సంగీతకారుడి కళ్లెదుటే అతడి వాయిద్య పరికరాన్ని తాలిబన్లు దగ్ధం చేశారు.

ఈ వీడియోను అబ్దుల్ హక్ ఒమేరీ అనే ఆఫ్ఘన్ జర్నలిస్టు సోషల్ మీడియాలో పంచుకున్నాడు. వాయిద్య పరికరం అగ్నికి ఆహుతవుతుండగా, విలపిస్తున్న ఆ సంగీతకారుడి వైపు చూస్తూ తాలిబన్లు వెకిలిగా నవ్వుతుండడం ఆ వీడియోలో కనిపించింది.