Narendra Modi: కేంద్రమంత్రి డ్యాన్స్ టాలెంట్ కు ముగ్ధుడైన ప్రధాని మోదీ

సొంత రాష్ట్రం అరుణాచల్ ప్రదేశ్ లో పర్యటించిన సందర్భంగా కేంద్ర న్యాయశాఖ మంత్రి కిరణ్ రిజిజు చేసిన జానపద నృత్యం తాలూకు వీడియో సామాజిక మాధ్యమాల్లో సందడి చేస్తోంది. ఈ వీడియోను ప్రధాని నరేంద్ర మోదీ కూడా వీక్షించారు. ఆపై స్పందించకుండా ఉండలేకపోయారు. మన న్యాయశాఖ మంత్రి కిరణ్ రిజిజు ఓ మంచి డ్యాన్సర్ కూడా అంటూ కితాబునిచ్చారు. అరుణాచల్ ప్రదేశ్ రాష్ట్ర తేజోమయ, వర్ణభరిత సంస్కృతిని వీక్షించడం బాగుందని పేర్కొన్నారు. ఈ సందర్భంగా కిరణ్ రిజిజు డ్యాన్స్ వీడియోను కూడా మోదీ ట్విట్టర్ లో పంచుకున్నారు.