నా భార్య చెన్నై జెర్సీ వేసుకోనివ్వలేదు.. ఐపీఎల్ వీరాభిమాని ఆవేదన!
- ఆర్సీబీ జెర్సీలో మ్యాచ్ కు హాజరు
- పోస్టర్ ను ప్రదర్శించిన అభిమాని
- ఆ ఫొటోను ట్వీట్ చేసిన సీఎస్కే
బెంగళూరు జెర్సీ వేసుకున్న ఆ అభిమాని.. ఓ పోస్టర్ ను ప్రదర్శించి అందరినీ ఆకర్షించాడు. ‘నా భార్య నన్ను చెన్నై జెర్సీ వేసుకోనివ్వలేదు’ అంటూ పేపర్ మీద రాసిన వాక్యాలను ప్రదర్శించాడు. ప్రేమకు రంగులేవి కనిపించవని పేర్కొంటూ ఆ ఫొటోను సీఎస్ కే ట్విట్టర్ లో పోస్ట్ చేసింది.
దీంతో నెటిజన్లు సరదా కామెంట్లు చేశారు. కొందరు సింపుల్ గా ఎమోజీలను పోస్ట్ చేస్తే.. మరికొందరు మాత్రం ఆర్సీబీ జెర్సీలో ఉన్న సీఎస్కే అభిమాని అంటూ ట్వీట్లు చేశారు. సీఎస్కే అందరి గుండెల్లో ఉందని, జెర్సీల్లో కాదని ఇంకొందరు కామెంట్ పెట్టారు. కాగా, ఆ మ్యాచ్ లో ఆర్సీబీపై చెన్నై గెలిచిన సంగతి తెలిసిందే.
