Allu Arjun: వినాయకచవితికి 'పుష్ప' సెకండ్ సింగిల్ ఉన్నట్టే!

సుకుమార్ - అల్లు అర్జున్ కాంబినేషన్లో 'పుష్ప' సినిమా రూపొందుతోంది. కొన్ని రోజులుగా హైదరాబాద్ లో షూటింగు జరుపుకుంటూ వచ్చిన ఈ సినిమా, చివరి షెడ్యూల్ ను మారేడుమిల్లి ఫారెస్టులో జరుపుకుంటోంది. ప్రధాన పాత్రలకి సంబంధించిన కొన్ని కీలకమైన సన్నివేశాలను అక్కడ చిత్రీకరించనున్నారు. ముఖ్యంగా ఫాహద్ ఫాజిల్ కాంబినేషన్లోని సన్నివేశాలను షూట్ చేయనున్నారు.

ఈ షెడ్యూల్ ఈ నెలాఖరు వరకూ సాగనుంది. ఆ తరువాత మిగతా పనులను పూర్తిచేసి, క్రిస్మస్ కి ఈ సినిమాను విడుదల చేయనున్నారు. ఈ సినిమాకి దేవిశ్రీ ప్రసాద్ అందించిన సంగీతం హైలైట్ గా నిలవనుందని అంటున్నారు. ఈ సినిమా నుంచి ఇటీవల వచ్చిన ఫస్టు సింగిల్ కి రికార్డు స్థాయిలో రెస్పాన్స్ వచ్చింది. దాంతో ఇక రెండవ సింగిల్ ను వదలడానికి సన్నాహాలు చేసుకుంటున్నారు. వినాయక చవితికి సెకండ్ సింగిల్ ను రిలీజ్ చేసే ఆలోచనలో ఉన్నట్టుగా తెలుస్తోంది.