Sensex: దూసుకుపోయిన మార్కెట్లు.. భారీ లాభాల్లో ముగిసిన సెన్సెక్స్

గత రెండు సెషన్లుగా నష్టపోయిన దేశీయ స్టాక్ మార్కెట్లు ఈరోజు భారీ లాభాలను మూటగట్టుకున్నాయి. అంతర్జాతీయంగా నెలకొన్న సానుకూలతలు ఇన్వెస్టర్ల సెంటిమెంట్ ను బలపరిచాయి. దీంతో వాళ్లు కొనుగోళ్లకు మొగ్గుచూపారు. ఈ నేపథ్యంలో ఈరోజు ట్రేడింగ్ ముగిసే సమయానికి సెన్సెక్స్ 638 పాయింట్లు లాభపడి 52,837కి పెరిగింది. నిఫ్టీ 120 పాయింట్లు పెరిగి 15,824 వద్ద స్థిరపడింది.
 
బీఎస్ఈ సెన్సెక్స్ టాప్ గెయినర్స్:
టెక్ మహీంద్రా (5.65%), బజాజ్ ఫైనాన్స్ (4.21%), భారతి ఎయిర్ టెల్ (3.93%), బజాజ్ ఫిన్ సర్వ్ (3.72%), టాట్ స్టీల్ (3.27%).

టాప్ లూజర్స్:
హిందుస్థాన్ యూనిలీవర్ (-2.27%), ఏసియన్ పెయింట్స్ (-1.73%), బజాజ్ ఆటో (-1.32%), మహీంద్రా అండ్ మహీంద్రా (-0.12%).