Pawan Kalyan: ఈ నెల 9న దివిస్ ఫార్మా కంపెనీ ప్రభావిత ప్రాంతాల్లో పవన్ బహిరంగ సభ

తూర్పు గోదావరి జిల్లా తుని నియోజకవర్గంలో దివిస్ ఫార్మా పరిశ్రమ ఏర్పాటును అక్కడి ప్రజలు తీవ్రంగా వ్యతిరేకిస్తున్న సంగతి తెలిసిందే. తుని నియోజకవర్గ ప్రజల ఆందోళనలకు పవన్ కల్యాణ్ మద్దతు పలికారు. ఈ క్రమంలో దివిస్ ఫార్మా కంపెనీ ప్రభావిత ప్రాంతాల్లో జనవరి 9న పవన్ కల్యాణ్ భారీ బహిరంగ సభలో పాల్గొంటారని జనసేన పార్టీ వెల్లడించింది. పవన్ తొలుత దివీస్ ఫార్మా పరిశ్రమ ప్రభావిత ప్రాంతాల్లో పర్యటిస్తారు. ఈ పరిశ్రమను వ్యతిరేకిస్తున్న ప్రజలను, ఇటీవల పోలీసుల లాఠీచార్జిలో గాయపడిన వారిని పరామర్శిస్తారు. అనంతరం మధ్యాహ్నం 2 గంటలకు బహిరంగ సభలో పాల్గొంటారని జనసేనాని రాజకీయ కార్యదర్శి హరిప్రసాద్ ఓ ప్రకటనలో తెలిపారు.