ఏపీ హైకోర్టు న్యాయమూర్తి జస్టిస్ బి.కృష్ణమోహన్ కుమార్తె వివాహానికి హాజరైన సీఎం జగన్
- మంగళగిరిలో జస్టిస్ కృష్ణమోహన్ కుమార్తె అమృత పెళ్లి
- వధూవరులకు ఆశీస్సులు అందించిన సీఎం జగన్
- సీఎం రాకతో పెళ్లివేడుకలో మరింత సందడి
సీఎం జగన్ ఇవాళ ఓ పెళ్లి వేడుకకు హాజరయ్యారు. ఏపీ హైకోర్టు న్యాయమూర్తి బొప్పూడి కృష్ణమోహన్, వసంతలక్ష్మి దంపతుల కుమార్తె అమృత వివాహం ఇవాళ గుంటూరు జిల్లా మంగళగిరిలో ఘనంగా జరిగింది. ఈ వివాహానికి సీఎం జగన్ విచ్చేశారు. వధూవరులకు ఆశీస్సులు అందజేశారు. సీఎం రాకతో పెళ్లివేడుకలో మరింత సందడి నెలకొంది. దీనికి సంబంధించిన ఫొటోలు సోషల్ మీడియాలో దర్శనమిస్తున్నాయి.
