Akash Puri: 'రొమాంటిక్' టైటిల్ కి మించి వుంటుందట

పూరి జగన్నాథ్ సొంత నిర్మాణంలో ఆయన తనయుడు ఆకాశ్ హీరోగా 'రొమాంటిక్' చిత్రం రూపొందింది. అనిల్ పాదూరి దర్శకత్వం వహించిన ఈ సినిమాలో, ఆకాశ్ జోడీగా కేతిక శర్మ కనిపించనుంది. ప్రస్తుతం ఈ సినిమా పోస్ట్ ప్రొడక్షన్ పనులను జరుపుకుంటోంది. ఈ సినిమా నుంచి ఆకాశ్ ను హత్తుకున్న పోస్టర్ వచ్చినప్పుడే, టైటిల్ కి తగినట్టుగానే ఈ సినిమాలో ఘాటైన రొమాన్స్ ఉంటుందని అంతా అనుకున్నారు.

అయితే టైటిల్ కి మించి ఈ సినిమాలో రొమాన్స్ వుంటుందని తెలుస్తోంది. ఈ ప్రేమకథలో సందర్భానికి తగినట్టుగా దర్శకుడు రొమాన్స్ పాళ్లను పెంచుతూ వెళ్లాడని అంటున్నారు. క్లైమాక్స్ సీన్ కూడా హీరో హీరోయిన్ల లిప్ టు లిప్ కిస్ తో ముగుస్తుందని అంటున్నారు. ఘాటైన ముద్దుతో కథను ముగిస్తూ కథకు న్యాయం చేసినట్టుగా చెబుతున్నారు. ఈ సినిమాలో రమ్యకృష్ణ .. మందిరా బేడీ ముఖ్యమైన పాత్రల్లో కనిపించనున్నారు.