Nagarjuna: 'బంగార్రాజు' విడుదల తేదీని కూడా ప్లాన్ చేశారట

కొంతకాలం క్రితం నాగార్జున నుంచి వచ్చిన 'సోగ్గాడే చిన్ని నాయనా' సినిమా సంచలన విజయాన్ని నమోదు చేసింది. ఆ సినిమాలో నాగార్జున పోషించిన 'బంగార్రాజు' పాత్రకి మంచి పేరు వచ్చింది. 'బంగార్రాజు' అనే పేరు జనంలోకి బాగా వెళ్లింది. ఈ నేపథ్యంలో 'బంగార్రాజు' పేరుతోనే నాగార్జున ఒక సినిమా ప్లాన్ చేశారు. కల్యాణ్ కృష్ణ దర్శకత్వంలోనే ఈ సినిమా రూపొందనుంది.

జూన్ మొదటివారంలో ఈ సినిమా రెగ్యులర్ షూటింగును ఆరంభించనున్నారు. క్రిస్మస్ కానుకగా ఈ సినిమాను విడుదల చేయాలనే నిర్ణయానికి వచ్చారనేది తాజా సమాచారం. ఈ సినిమాలో నాగార్జున సరసన రమ్యకృష్ణ నటించనుండగా, చైతూ జోడీగా సమంత కనిపించనుందని అంటున్నారు. కొంత కాలంగా వరుస పరాజయాలను ఎదుర్కుంటూ వస్తున్న నాగార్జున, ఈ సినిమాతో హిట్ కొడతాడేమో చూడాలి.