రాష్ట్రంలో ఇంతటి అరాచకాన్ని ఎప్పుడూ చూడలేదు: సుజనా చౌదరి

రాయలసీమ జిల్లాల్లో స్థానిక సంస్థల ఎన్నికల నామినేషన్ల పర్వం హింసాత్మకం కావడం పట్ల బీజేపీ రాజ్యసభ సభ్యుడు సుజనా చౌదరి స్పందించారు. చిత్తూరు, అనంతపురం జిల్లాల్లో బీజేపీ, జనసేన కార్యకర్తలపై వైసీపీ గూండాలు దాడి చేశారంటూ సుజనా మండిపడ్డారు. ఈ దాడిని తీవ్రంగా ఖండిస్తున్నట్టు పేర్కొన్నారు. రాష్ట్రంలో ఇంతటి అరాచకాన్ని గతంలో ఎప్పుడూ చూడలేదని ట్వీట్ చేశారు. ఓటమి భయంతోనే వైసీపీ నేతలు ఈ విధంగా విపక్షాల నామినేషన్లను అడ్డుకుంటున్నారని ఆరోపించారు.