Disha Pathani: ఫొటోగ్రాఫర్ పై దిశా పటానీ బాడీగార్డ్ అనుచిత వైఖరి...: వీడియో ఇదిగో!

  • దిశ కనిపించగానే సెల్ఫీల కోసం ఎగబడిన ఫ్యాన్స్
  • ఫొటో తీసేందుకు ప్రయత్నించిన వ్యక్తిని తోసేసిన బాడీగార్డ్
  • దిశ క్షమాపణ చెప్పాలని డిమాండ్ చేసిన కుతబ్
Disha patani Bodyguard Throws a Photo grapher

సెలబ్రిటీలు ఎవరైనా కనిపిస్తే, వాళ్లతో సెల్ఫీలు దిగాలని చూసేవారు, వారి రూపాలను క్లిక్ మనిపించాలని చూసే ఫొటోగ్రాఫర్లు చేసే హడావుడి అంతా ఇంతా ఉండదు. ఒక్కోసారి వీరి ప్రవర్తన సెలబ్రిటీలకు విసుగు తెప్పిస్తుంది కూడా. ఈ క్రమంలో కొన్నిసార్లు చేదు అనుభవాలు కూడా మిగులుతూ ఉంటాయి. తాజాగా ఈ జాబితాలో నటి దిశా పటానీ కూడా చేరిపోయింది. ఆమె బాడీగార్డ్ ఓ ఫొటోగ్రాఫర్ తో వాగ్వాదానికి దిగి తోసేయడమే ఇందుకు కారణం. ఇందుకు సంబంధించిన ఓ వీడియో ఒకటి వైరల్ అవుతోంది.

ఇటీవల దిశా పటానీ కనిపించగానే, పలువురు ఫ్యాన్స్, ఫొటోగ్రాఫర్లు ఆమెను చుట్టుముట్టారు. వారిలో 'పాప్ భయానీ' ఫొటోగ్రాఫర్ కుతబ్ కూడా ఉన్నారు. ఆమెను తన కెమెరాలో బంధించేందుకు కుతబ్ ప్రయత్నించగా, బాడీగార్డ్ అడ్డుకున్నాడు. ఈ సమయంలో వారి మధ్య వాగ్వాదం జరిగింది. సహనం కోల్పోయిన బాడీగార్డ్ కుతబ్ ను నెట్టివేశాడు. ఇక ఈ వీడియోను సోషల్ మీడియాలో పోస్ట్ చేసిన బాధితుడు, దిశా పటానీ తనకు క్షమాపణలు చెప్పాలని డిమాండ్ చేశాడు. కాగా, ప్రస్తుతం దిశ, ప్రభుదేవా డైరెక్షన్ లో 'రాధే ' చిత్రంలో సల్మాన్ పక్కన జతకట్టిన సంగతి తెలిసిందే.

More Telugu News