నూజివీడు ట్రిపుల్​ ఐటీ ఘటనపై మంత్రి ఆదిమూలపు సురేశ్​ సీరియస్​

కృష్ణా జిల్లా నూజివీడులోని ట్రిపుల్ ఐటీ కళాశాల లేడీస్ హాస్టల్ ఘటనపై విద్యా శాఖ మంత్రి ఆదిమూలపు సురేశ్ ఆగ్రహం వ్యక్తం చేశారు. విద్యార్థులను కనిపెట్టుకుని ఉండాల్సిన బాధ్యత లేదా? అంటూ కళాశాల సిబ్బందిపై మండిపడ్డారు. బాధ్యులపై కఠిన చర్యలు తీసుకోవాలని, ఈ ఘటనపై పూర్తి స్థాయి విచారణ జరపాలని ఆదేశించారు. త్వరలో ఈ కళాశాలను సందర్శిస్తానని చెప్పారు. కాగా, ఈ నెల 16న ఈ ఘటన చోటుచేసుకుంది. అయితే, ఈ ఘటనను అధికారులు గోప్యంగా ఉంచారు. ఇందుకు సంబంధించిన ఓ వీడియో బయటపడటంతో ఈ ఘటన తాజాగా వెలుగు చూసింది.