పాక్ మంత్రికి కోపమొచ్చింది.. టీవీ యాంకర్ చెంప చెళ్లుమంది!
- టిక్ టాక్ స్టార్ తో సంబంధం అంటగడతావా అంటూ ఆగ్రహం
- వివాహ వేడుకలో కలిసిన యాంకర్ చెంపపై కొట్టిన మంత్రి
- పదవులు తాత్కాలికమే.. మనం మనుషులం..
- తప్పుడు ఆరోపణలు వచ్చినప్పుడు స్పందించాలి
పాకిస్థాన్ లో ఓ మంత్రి టీవీ యాంకర్ చెంప చెళ్లుమనిపించిన వీడియో సామాజిక మాధ్యమాల్లో వైరల్ గా మారింది. ప్రముఖ టిక్ టాక్ నటి హరీమ్ షాతో తనకు సంబంధం అంటగట్టిన యాంకర్ ముబాషెహర్ పై పాక్ మంత్రి ఫవాద్ చౌదరి ఆగ్రహం వ్యక్తం చేశారు.
ఓ వివాహ వేడుకలో యాంకర్ ను చూసి అతడిపై చేయి చేసుకున్నారు. ముబాషెహర్ ఓ టీవీ కార్యక్రమం చేస్తూ.. మరో యాంకర్ తో మాట్లాడుతూ.. టిక్ టాక్ స్టార్ హరీమ్ షాతో మంత్రి చౌదరి ఉన్న అసభ్య వీడియోలను చూశానన్నారు. దీన్ని చూసిన మంత్రి యాంకర్ ముబాషెహర్ పై ఆగ్రహం వ్యక్తం చేశారు.
తాజాగా ఓ వివాహ వేడుకలో సదరు యాంకర్ ను చూసి కోపం పట్టలేక చెంప పగులగొట్టారు. ఈ విషయంపై మంత్రి చౌదరి ట్విట్టర్ మాధ్యమంగా స్పందించారు. ‘పదవులు ఉండవచ్చు పోవచ్చు, కానీ మనము మనుషులం. మనపై తప్పుడు ఆరోపణలు వచ్చినప్పుడు స్పందిస్తాం. వ్యక్తి గత ఆరోపణలు చేస్తే సహించేది లేదు’ అని పేర్కొన్నారు. యాంకర్ ముబాషెహర్ ఓ నకిలీ పాత్రికేయుడని తెలిపారు. ఇలాంటి వారు జర్నలిజం విలువలను కాలరాస్తున్నారని విమర్శించారు. ఇలాంటివారి విషయాలను బహిర్గతం చేయడం ప్రతి ఒక్కరి బాధ్యత అని పేర్కొన్నారు.
ఓ వివాహ వేడుకలో యాంకర్ ను చూసి అతడిపై చేయి చేసుకున్నారు. ముబాషెహర్ ఓ టీవీ కార్యక్రమం చేస్తూ.. మరో యాంకర్ తో మాట్లాడుతూ.. టిక్ టాక్ స్టార్ హరీమ్ షాతో మంత్రి చౌదరి ఉన్న అసభ్య వీడియోలను చూశానన్నారు. దీన్ని చూసిన మంత్రి యాంకర్ ముబాషెహర్ పై ఆగ్రహం వ్యక్తం చేశారు.
తాజాగా ఓ వివాహ వేడుకలో సదరు యాంకర్ ను చూసి కోపం పట్టలేక చెంప పగులగొట్టారు. ఈ విషయంపై మంత్రి చౌదరి ట్విట్టర్ మాధ్యమంగా స్పందించారు. ‘పదవులు ఉండవచ్చు పోవచ్చు, కానీ మనము మనుషులం. మనపై తప్పుడు ఆరోపణలు వచ్చినప్పుడు స్పందిస్తాం. వ్యక్తి గత ఆరోపణలు చేస్తే సహించేది లేదు’ అని పేర్కొన్నారు. యాంకర్ ముబాషెహర్ ఓ నకిలీ పాత్రికేయుడని తెలిపారు. ఇలాంటి వారు జర్నలిజం విలువలను కాలరాస్తున్నారని విమర్శించారు. ఇలాంటివారి విషయాలను బహిర్గతం చేయడం ప్రతి ఒక్కరి బాధ్యత అని పేర్కొన్నారు.
