పరిటాల శ్రీరాములయ్య సోదరుడు కన్నుమూత!

దివంగత తెలుగుదేశం పార్టీ నేత పరిటాల రవి కుటుంబంలో విషాదం చోటు చేసుకుంది. పరిటాల శ్రీరాములయ్య సోదరుడు గజ్జిలప్ప తీవ్ర అనారోగ్యంతో కన్నుమూశారు. గత కొంతకాలంగా అనారోగ్యంతో బాధపడుతున్న ఆయన ఆసుపత్రిలో చికిత్స పొందుతూ ఈ ఉదయం కన్నుమూశారు. తమకు పెద్దదిక్కుగా ఉన్న గజ్జిలప్ప మృతితో పరిటాల కుటుంబీకులు శోక సముద్రంలో మునిగిపోయారు. ఈ వార్త తెలుసుకున్న పరిటాల అభిమానులు, తెలుగుదేశం పార్టీ నేతలు పెద్దఎత్తున ఆయన ఇంటికి వచ్చి, తమ సంతాపాన్ని వెలిబుచ్చారు. సోమవారం మధ్యాహ్నం పరిటాల గజ్జిలప్ప అంత్యక్రియలు జరుగుతాయని కుటుంబీకులు తెలిపారు.