'రంగమార్తాండ'లో అనసూయ?

ఇటు బుల్లితెరపై .. అటు వెండితెరపై అనసూయకి వున్న క్రేజ్ అంతా ఇంతా కాదు. బుల్లితెరకి సంబంధించిన కార్యక్రమాలతో బిజీగా వున్న ఆమె, సినిమాల్లో తనకి నచ్చిన పాత్రలకి మాత్రమే ఓకే చెబుతూ వెళుతోంది. అలా ఆ మధ్య 'రంగస్థలం' సినిమాలో ఆమె చేసిన 'రంగమ్మత్త' పాత్ర ఆమెకి మంచి గుర్తింపు తెచ్చిపెట్టింది. ఇక 'కథనం' సినిమాలో ప్రధానమైన పాత్రనే చేసింది.

అలాంటి అనసూయ తాజాగా 'రంగమార్తాండ' సినిమాలో ఒక ముఖ్యమైన పాత్రలో కనిపించనుందని సమాచారం. కృష్ణవంశీ దర్శకత్వం వహిస్తున్న ఈ సినిమాలో ప్రకాశ్ రాజ్ - రమ్యకృష్ణ ప్రధానమైన పాత్రలను పోషిస్తుండగా, బ్రహ్మానందం ఒక కీలకమైన పాత్రలో కనిపించనున్నారు. అలాంటి ఈ సినిమా కోసం కృష్ణవంశీ టీమ్ సంప్రదించగా, అనసూయ గ్రీన్ సిగ్నల్ ఇచ్చిందని చెబుతున్నారు. అనసూయ పాత్ర ఏమిటి? ఆమెను కృష్ణవంశీ ఎలా చూపించనున్నాడనేది ఆసక్తికరమైన అంశమే.