ఎన్డీఏ గెలిస్తే ముఖ్యమంత్రిగా మళ్లీ ఫడ్నవీస్: అమిత్ షా స్పష్టీకరణ

మహారాష్ట్రలో సీఎం పదవి దక్కించుకోవాలన్న శివసేన పార్టీ కల నెరవేరేలా లేదు. అమిత్ షా మీడియా సమావేశంలో మాట్లాడుతూ.. రాష్ట్రంలో ఎన్డీఏ కూటమి విజయం సాధిస్తే.. మళ్లీ దేవేంద్ర ఫడ్నవీస్ ముఖ్యమంత్రి అవుతారని చెప్పారు. ఈ విషయంలో శివసేన పార్టీ నేతలు, కార్యకర్తలు చేస్తున్న వాదనలు కూటమికి హాని చేయవని ఆయన పేర్కొన్నారు. రెండు పార్టీల మధ్య విభేదాలు లేవని అమిత్ షా ఈ సందర్భంగా స్పష్టం చేశారు. 288 నియోజక వర్గాలున్న మహారాష్ట్ర అసెంబ్లీకి పోలింగ్ ఈ నెల 21 జరుగనుంది.